Ajo njihet si një ndër moderatoret e veshura më me stil, por mesa duket nuk i ka rezistuar dot "Tregut të Gabit" dhe është ndër të rrallat që e ka pranuar.

Bëhet fjalë për Fiori Dardhën e cila së fundmi është pyetur nga një fans se ku i gjen aq shumë rroba dhe nëse ka blerë ndonjëherë tek të përdorurat.

"Veshjet që mbaj në përditshmërinë time sigurisht që i blej të gjitha. Veshjet që mbaj në ekran, në shumicën e rasteve sigurohen nga butik me të cilët kemi marrëveshje bashkëpunimi. Kam blerë veshje të përdoruara sa i kam luajtur fenë, vite më parë kur nuk kisha mundësi të blija gjithçka të re", është përgjigjur Fiori.