Moderatorja e njohur e emisionit "Ftesë në 5", Bieta Sulo, është një ndër emrat më të komentuar të ekranit dhe shumë e ndjekur në rrjete sociale, ku ka ndarë së fundmi momentet më të ëmbla me rastin e ditëlindjes së të birit.

Kroi mbush 2 vjeç dhe Bieta ka kujtuar me mall momentet e para kur ajo ka mësuar se ishte shtatzënë me djalin.

“Ora: 19.01… 2 vjet më parë si sot, Kroi ishte ende tek barku im dhe nuk e dija të them të drejtën, datën 12 Maj (këtë vit, që ta saktësoj ose të dielën e dytë të Majit), si ditën e nënave. Vetëm 24 orë më pas, do të njihja ndjesinë, që thuajse prej 2 vjetësh ka mbushur zemrat tona. Ndaj, në këtë vigjilje të ditëlindjes së dytë, po publikoj këto foto të Kroi Art vetëm disa ditësh, që më bëjnë mua sot të kuptoj të gjitha nënat e botës."- janë fjalët e Bietës krahas fotove me të voglin.