Një incident i papritur ka ndodhur në puntatën e radhës të emisionit "Edicioni veror" në ABC News. Kur gazetarja Genta Hodo u përpoq t'i bënte disa pyetje reperit të njohur Seven Saraçi, ky i fundit u revoltua dhe kërcënoi kameramanin me fjalët: "Do ta thyej kamerën? Do ta thyej?" dhe u ngrit në këmbë për të bërë sherr.

Genta Hodo tregoi se prej 2 orësh po e prisnin reperin dhe se prej tij nuk kishin marrë asnjë mesazh anullimi për intervistën. 

"Duke qenë se Seven konsiderohet si këngëtar i momentit që gjeneron shumë klikime në Youtube menduam ta intervistonim nga afër. Pas 2 orësh në pritje të tij dhe pas asnjë mesazhi anullimi paraprak ndodh edhe ky incident", u shpreh ajo.