Ditën e sotme në të gjitha mediat turke ka qarkulluar lajmi se aktori Kenan Imirzalioglu që është bërë mjaft i njohur për shqiptarët pas rolit të tij si 'Ezel' dhe bashkëshortja e tij Sinem Kobal, kanë humbur fëmijën pak javë para lindjes. 

Mirëpo ky lajm nuk është pritur aspak mirë nga ana e dy aktorëve dhe ka qenë 30-vjeçarja, ajo që ka reaguar ashpër ndaj lajmeve të pavërteta që janë përhapur. Ajo ka bërë një postim pak më parë, ku ka sqaruar se fëmija i tyre është shumë mirë.

“Lajmet e publikuara sot rreth meje janë tërësisht produkt i imagjinatës. Lajme të tilla, mbi çështje kaq private dhe të ndjeshme, prodhuar nga tryeza (gazetarësh) vetëm për të tërhequr vëmendje, i gjej të pandjeshme dhe të pamëshirshme!”, shkroi Kobal.

Siç dihet Ezel dhe bashkëshortja i dhanë fund beqarisë në vitin 2016 dhe janë në pritje të fëmijës së parë.