Duke qenë numër çift, viti 2022 cilësohet si vit me fat për ata që duan të kurorëzojnë dashurinë e tyre në martesë. Disa prej personazheve tanë të shoëbizit duket se e kanë menduar këtë fakt dhe pritet që këtë vit të kurorëzohen në martesë.

Një nga dasmat që pritet me padurim këtë vit është ajo e Armina Mevlanit, e cila shpeshherë ka planifikuar të bëjë një të tillë, por nuk ka qenë koha e përshtatshme. E ftuar pak javë më parë në “Goca dhe gra”, Armina deklaroi se do e bëj patjetër këtë vit dasmën që ka tre vite që e mendon.

Më përpara Armina ka folur edhe për fustanin e saj të nusërisë duke treguar se do të stilohet nga stilistë të huaj posaçërisht për të.

Olta Gixhari gjithashtu ka zgjedhur vitin 2022 për dasmën e saj. Në një intervistë për “Revista who”, aktorja ka treguar se ajo dhe partneri i saj do të celebrohen në Spanjë.

Një datë e saktë nuk është zbuluar ende, por Olta ka treguar se ata kishin planifikuar të bënin dhe një dasmë në jug, plan që ia prishi pandemia, por mund të ndodhë këtë vit.

Viti 2022 duket se është viti më i bukur për Genta Ismajlin. Në janar këngëtarja u bë nënë për herë të parë me binjakë. Ndërsa në një intervistë për mediat turke ka treguar se së shpejti do bëjë dhe një dasmë.

Data nuk është zbuluar ende por me siguri Genta dhe partneri i saj turk, Usta do të kenë një dasmë të veçantë duke qenë se prezentë do të jenë edhe binjakët e tyre.

Në fillim të këtij viti, Vlashenti i propozoi për martesë Dojna Memës duke na dhuruar emocione shumë të bukura nga ky moment që e ndanë dhe në rrjete sociale. Pritet që çifti këtë vit të mbajë dhe një dasmë duke qenë se në një prej intervistave janë shprehur se kjo do të ndodhë.

Të ftuar pak kohë më parë në “A Krasta shoë”, Vlashenti tha se nuk i ka shumë qejf dasmat, por do t’ja plotësojë dëshirën Dojnës, e cila dëshiron të mbledhë të gjithë njerëzit e zemrës.

Sara dhe Ledri gjithashtu pritet të martohen këtë vit. Sara ka deklaruar se ajo dhe Ledri kanë dëshirë të bëjnë një dasmë, por thjesht nuk e kanë vendosur ende nëse duan ta bëjnë shumë të madhe apo një dasmë private.

Për më tepër pak kohë më parë, Sara i shtoi dyshimet se dasma do ndodhë së shpejti pasi postoi një foto ku shfaqej duke zgjedhur fustanin e nusërisë.

Së fundmi po përflitet se edhe Nevina Shtylla po mendon për dasmën. Moderatorja, e cila jetën private e ka ruajtur hermetike, ngriti polemika në “E Diell” në lidhje me temën e shumë komentuar nëse ajo do të bëjë dasëm këtë vit. Në një ndër episodet e programit disa komente të moderatores nxitën reagimin e Edi Manushit, i cili nisi ta ngacmonte për dasmën. Moderatorja u mundua ta mbyllte bisedën duke u përgjigjur me të qeshur. Nevina ka treguar se ka veshur aq shumë fustane nusërie gjatë modelingut, sa fustani i saj do të jetë shumë i thjeshtë.