Pak ditë më parë një tërmet shkatërrimtar tronditi Marokun. Në rrjet janë shpërndarë pamje nga një dasmë që po ndodhte në Marrakesh, e cila u ndërpre si pasojë e dridhjeve shumë të forta të tokës.

Muzikantët dhe këngëtari u larguan nga skena me vrap menjëherë sapo nisi tërmeti. Të tjerë dasmorë dëgjohen duke bërtitur. Si pasojë e tërmetit kanë humbur jetën mbi 2100 persona në Marok. Numri i viktimave pritet të rritet. Shumë njerëz janë duke e kaluar natën në qiell të hapur pas tërmetit me magnitudë 6.8.