Mijëra qytetarë janë mbledhur në Bunjol, Spanjë për festivalin “La Tomatina”. Qyteti u mbulua me domate në atë që konsiderohet si beteja më e famshme në botë.

Gjatë Tomatinës, njerëzit godasin me domate njëri-tjetrin, duke krijuar një ambient tërësisht të kuq nga domatet që kthehen në salcë.

Festa e domates thuhet se ka filluar në vitin 1945 nga një mosmarrëveshje midis fshatarëve. Kjo festë u ndalua për ca kohë gjatë viteve 1960 dhe gjatë diktaturës së gjeneralit Francisco Franco, por tradita rifilloi dhe u bë e njohur në të gjithë Spanjën në vitet 1990 dhe tani tërheq një numër të madh vizitorësh edhe nga jashtë vendit.