Për 1-vjeçarët, kalimi i dy ose më shumë orëve në ditë para ekraneve në televizor, video, telefona celularë ose pajisje të tjera dixhitale mund të rrisë shanset e tyre për të përjetuar vonesa zhvillimi në vitet e mëvonshme, sipas një studimi të botuar në revistën "JAMA Pediatrics".

Bazuar në të dhënat e 7097 fëmijëve, studimi zbuloi se me rritjen e kohës para ekranit, rriteshin edhe gjasat për vonesa në zhvillim, kryesisht në aftësitë e komunikimit dhe zgjidhjes së problemeve.

Për shembull, fëmijët me deri në dy orë në ditë para ekranit në moshën 1-vjeçare kishin 61 për qind më shumë gjasa të kishin vonuar zhvillimin e aftësive të komunikimit deri në moshën 2-vjeçare sesa ata që kishin më pak se një orë në ditë para ekranit. Rreziku ishte gati pesë herë më i madh për ata me katër ose më shumë orë në ditë para ekranit.

Vonesa të lidhura me sasinë e kohës së ekranit të foshnjave u gjetën gjithashtu në zhvillimin e aftësive të tyre personale dhe sociale, si dhe në aftësitë motorike (lëvizja e krahut, trupit, këmbës, dorës dhe gishtit).

Ekspertët e shëndetit të fëmijëve në përgjithësi mendojnë se sa më pak kohë para ekranit aq më mirë.

Udhëzimet nga Organizata Botërore e Shëndetësisë thonë se “koha e ulur para ekranit” si shikimi i televizorit ose videove nuk rekomandohet për foshnjat dhe duhet të kufizohet në jo më shumë se një orë në ditë për 2-vjeçarët.

Burimi: Washington post