Georgina Rodriguez ka pranuar se fama ka edhe anët e saj negative dhe se asaj i mungon të bëjë blerje në supermarket me bashkëshortin e saj, futbollistin Cristiano Ronaldo. Ajo do të zbulojë detaje të reja të jetës së saj në një dokumentar të Netflix të quajtur, “Soy Georgina”.

“Ëndërroja të kisha një Princ simpatik në krah dhe sot e kam. Falë dashurisë, jeta ime tani është një ëndërr", tha Georgina.

Por, ajo ka rrëfyer në një intervistë për një gazetë spanjolle se jeta si e famshme nuk është kaq e thjeshtë. E pyetur se si ia doli mbanë me kamerat dhe efektin që fama kishte në jetën e saj të përditshme, Georgina thotë: “Kjo është pjesa që më duket më e vështirë dhe më mungon më shumë me Cris. Gjëra të tilla si dëshira për të shkuar në një dyqan apo supermarket siç shoh shumë çifte që bëjnë.’’