Aktori shumë i pëlqyer nga publiku, Olsi Bylyku prej dy vitesh e shohim në kastin e aktorëve të "Portokallisë" me rolin e famshëm "Kimikati". Mirëpo në sezonin e ri Olsin nuk do e shohim më, të paktën kështu po përflitet së fundmi.

Burime për emisionin "Chaud patate" në "NRG Radio" kanë treguar se Olsi do të largohet nga Portokallia menjëherë pasi përfundoi turin nëpër Shqipëri "Verë dhe Portokalle" dhe se këtë vendim ja ka komunikuar edhe drejtuesve të spektaklit të humorit. 

Lajmin e ka konfirmuar edhe vetë aktori. Po është e vërtetë që do të largohem nga ‘Portokalli’. Nuk do të jem më në ‘Top Channel’. Do të largohem për angazhime të tjera artistike. Detajet të tjera dua t’i lë surprizë kur të fillojë sezoni", ka thënë Olsi i kontaktuar nga "Revistawho".