Ish e dashura e Dj Dagz ka reaguar pas lajmit të përhapur në disa portale se ajo do të bëhej pjesë e shtëpisë së Big Brother Vip. Gazetarja Ariana Berisha u ngatërrua me kolegen e saj, Egzona Rafuna dhe në rrjet u përhapën me shpejtësi fotot e saj me Dj Dagz.

Ariana ka reaguar sot në një postim në InstaStory ku ish të dashurin e saj e quajti “personi X”, duke refuzuar t’i përmendë emrin.

Ariana Berisha shkroi se “është e kotë të merret me diçka që tashmë e ka lëshuar nga duart dhe po jeton të tashmen”.

“Sa e lehtë qenka të vendosësh fotografi të tjetrit pa e pyetur. Unë s’kam bërë ndonjëherë një gjë të tillë. Hiqni dorë nga publikimi i fotove të mia me X personin, me gjithë respektin për karakterin dhe shpirtin e tij luftarak. E gjitha çfarë dua të them është se jam shumë e lumtur me punën time, po shijoj lirinë dhe lira s’ka çmim. 

Po jetoj ashtu siç dua unë dhe të jetosh diçka që ti do është rehatia më e madhe që secili dëshiron. Është e kot të merrem me diçka që tashmë e kam lëshuar nga duart. Unë jetoj në të tashmen”, u shpreh gazetarja kosovare.

Ndërkohë, Dagz ka nisur një romancë brenda shtëpisë me moderatoren Einxhel Shkira.