Të ftuar në "Pushime on Top", së fundmi kanë qenë çifti shumë i njohur shqiptar Xhoi dhe Gent Bejko të cilët prej kohësh tashmë jetojnë në Kanada. Çifti të cilët, janë rikthyer në vendin e tyre këtë muaj për të qëndruar për pushime, kanë rrëfyer për jetën e tyre në Kanada dhe mallin që ndjejnë për Shqipërinë.

“Kemi qëndruar kohë pa ardhur sepse kur ikën në një vend tjetër duhet të ndash mendjen që je larguar dhe të jesh i qartë në atë që do të bësh” tha Genti.

“Në vendin tonë fatkeqësisht politika është ajo që shkakton rrëmujë në çështjet e artit sic është Teatri Kombëtar apo edhe kinematografia. Unë kam bërë shumë filma dhe shfaqje në teatër” shtoi Genti.

“Këngën nuk e kam lënë pasi shqiptarët atje e duan muzikën dhe kam mundësi të këndoj. Ndërkohë kam menduar që të punoj edhe në profesionin tim", ka treguar  Xhoi.