Moderatoren e "Për drekë me mua", Arjola Shehun e keni parë gjithmonë brune që në fillim të karrierës së saj në televizion duke i qëndruar kështu besnike flokut të saj natyral. Megjithatë pak para fillimit të sezonit të ri televiziv, Arjola ka bërë sot ndryshimin drastik.

Moderatorja ka postuar në Instastory një video ku tregon se do bëjë një ndryshim të madh. "Gati për ndryshimin e madh. Bjonde", shkruante Arjola.

Dhe pak më vonë moderatorja zbuloi look-un e ri duke postuar një video ku tregonte flokët tashmë të lyera.

Kujtojmë që Arjola së fundmi u përfol për largim nga TV Klan, thashetheme që ajo i mohoi duke u shprehur se vazhdon të jetë pjesë e TV Klan dhe se do e shohim në sezonin e ri televiziv.