Një vajzë e re është rrëzuar nga autobusi duke pësuar lëndime. Ngjarja ka ndodhur sot tek "Ura e Dajlanit" në Durrës ku teksa autobusi ishte në lëvizje një 22-vjeçare me inicialet B.G ka rënë nga dera e autobusit. Vajza është dërguar menjëherë në spital dhe është nën kujdesin e mjekëve. Ndërsa shoferi i autobusit është arrestuar.

Drejtoria Vendore e Policisë Durrës:

Më datë 10. 08. 2018, u arrestua në flagrancë shtetasi A. Q., vjeç 53, banues në Durrës, pasi rreth orës 08:30, në lagjen nr. 13, te “Ura e Dajlanit”, në Durrës, duke drejtuar mjetin autobus, është rrëzuar nga dera e autobusit  shtetasja B. G., vjeçe 22, banuese në Durrës, e cila  ndodhet në spital nën kujdesin e mjekëve. Neni 290 i Kodit Penal.