Jeta private e Jonida Vokshit ka qenë prej kohësh në vëmendje, por mediat nuk kanë arritur të zbulojnë shumë për aktoren pasi ajo është treguar gjithnjë e rezervuar. Thashetheme të shumta ka pasur, por kanë rezultuar të pavërteta. Mirëpo sot e ftuar në “Xing me Ermalin”, Jonida ka dhënë ekskluzivisht lajmin se do martohet dhe ka zbuluar lidhjen me një prej aktorëve më të njohur.

Ai quhet Besnik Krapi dhe është producent dhe aktori i serialit kosovar “O sa mirë”. Jonida dhe Besniku e kanë ruajtur prej vitesh lidhjen e tyre jashtë syrit të publikut dhe sot në “Xing me Ermalin” ka qenë momenti i përshtatshëm që Jonida të deklaronte lajmin e bukur.

“Unë me Besnikun jam njohur tek seriali ‘O sa mirë’ pasi ishim të dy pjesë e kastit. Ishim në fillim miq dhe duke u njohur, duke kaluar kohë bashkë, u dashuruam. Ishte si dashuri me shikim të parë pasi kishte një lloj shkëndije”, u shpreh Jonida.

“Do bëjmë dasmë, do kërcejmë. Do jua nxij pak jetën ty dhe Amit", u shpreh Jonida duke zbuluar kështu se dasmën do e bëjë "Ami Event"./Xing.al