Një ngjarje e rëndë ka ndodhur mbrëmjen e kaluar në fshatin Roskovec të Fierit, ku dy persona humbën jetën pas një aksidenti me makinë.

Teksa qëndronin në lagje, një makinë 'Volkswagen' e drejtuar nga Amarildo Çalamani ka përplasur tre djemtë pas murit, duke i marrë jetën dy prej tyre.

I mbijetuari Martin Dogani, i cili ndodhet aktualisht në spital, ka rrëfyer për 'Ballkanweb' momentin kur makina ka shkuar me shpejtësi drejt tyre dhe ka përplasur dy djemtë e xhaxhallarëve të tij, Amarildo dhe Festim Dogani të cilët humbën jetën.

Si ndodhi ngjarja?

Ne ishim 3 çuna xhaxhallarësh, rreth gjysmë metra nga trotuari jo në asfalt. Kishim pirë kafe dhe dolëm jashtë dhe por rrinim. Në muhabet e sipër dëgjojmë një zhurmë shumë frenimi të madhe. Mua më kapi cepi i makinës dhe më përplas në mur. Më pas unë ngela pa ndjenja. Dy çunat e xhaxhallarëve i përplasi për matanë.

Ju e njihni shoferin Amarildo Çalamanin. Është banor i zonës?
Po është banorë i zonës. E kam pas shok shkolle.

Sipas banorëve ai ishte duke bërë veprime jo normale kohët e fundit duke ecur me frena dore me shpejtësi?

Ai e ka bërë atë për shaka se unë e kam pas shok. Ai nuk ka dashur ta bëjë atë. Ishte cun i mirë.

Ishte me shpejtësi?

Po besoj me 130.

Si ndodhi që doli nga rruga?

Ai ka bërë frenim. Dhe në atë moment nuk e ka mbledhur.

Sipas banorëve, por diskutonit që të shkonit të punonit në Greqi?

Po.

Ajo është një zonë e banuar dhe tani është rikostruktuar rruga. Keni një apel?

Ajo rrugë ka qenë sketerrë. Faji është i personave që nuk janë në rregull sepse duhet të ecin me avash dhe nuk duhet të ecin me shpejtësi. Nuk është faji i rrugës.