Një shtëpi është shkrumbuar nga flakët në fshatin Grecalli në Fier brenda pak minutave edhe pse zjarrëfikësit mbërritën shpejt. Fatmirësisht në banesë nuk ka patur familjarë në momentin e zjarrit, por po dyshohet se flakën e ka vënë nusja e shtëpisë për shkak të konfilkteve. Rudina Ismaili është grindur me bashkëshortin dhe vjehrrin dhe është ndaluar nga policia disa metra larg banesës. Ardian Gjika, bashkëshorti i Rudinës me të cilën ishte martuar vetëm një ditë më parë, tregon për "Report tv" se ajo e ka vënë zjarrin edhe më përpara.

"Dje e mora nga shtëpia me gjithë plaçka. Ka bërë presion dhe më herët ajo. Ajo vuri njëherë zjarrin edhe më përpara. Dje u martova me atë, sot më dogji shtëpinë. Më thoshte do më dërgosh te nëna dhe unë i thash kam punë. Jam 100% i sigurt që ajo e ka djegur shtëpinë”, shprehet Ardian  Xhika.