Një ngjarje e rëndë ka ndodhur mbrëmjen e djeshme në Bari të Italisë, ku një shqiptar i moshës 23-vjeçare është qëlluar për vdekje në mes të sheshit të mbushur me njerëz. Siç raportojnë autoritetet kanë qenë dy persona ata që e kanë ndjekur me motor të riun dhe më pas e kanë qëlluar pas shpine me dy plumba, një në kokë dhe një në mushkëri.

Ngjarja e rëndë ndodhi në sheshin Abbazia, në Corato të Barit  dhe mësohet se edhe pse ambulanca arriti në kohë, i riu shqiptar nuk mundi të mbijetonte.

Sipas mendiave italiane viktima është shtetasi shqiptar Viktorian Pikaku, ndërsa vazhdojnë hetimet nga ana e policisë për të zbardhur ngjarjen dhe për të arrestuar dy ekzekutorët.