Vrasja e 24-vjeçarit shqiptar Viktorjan Picaku pak ditë më parë në Korato të Italisë  tronditi gjithë opinionin publik. Ai u ekzekutua nga dy persona,  të cilët e qëlluan me plumba që i prekën kokën dhe mushkërinë duke e lënë kështu të vdekur në vend.

Vrasja e tij siç kanë treguar edhe familjarët ka ndodhur në sy të vëllait të madh të Viktorjanit, por edhe pse dy personat që qëlluan u dorëzuan, ende nuk është zbuluar shkaku se përse ata e qëlluan.

Prej ditësh dy prindërit e 24-vjeçarit kanë kërkuar nga shteti që trupi i djalit të tyre të kthehet në Shqipëri dhe ditën e sotme ai ka mbërritur në Durrës. Sipas ‘Panorama’ komuniteti shqiptar në Korato organizoi  një manifestim për të mbledhur fonde, të cilat shërbyen për transferimin e trupit të pajetë të Viktorjanit në Shqipëri dhe për ceremoninë e varrimit.