Një foshnjë e pajetë u gjet tre ditë më parë në një parking makinash. Giorgia Guglielmi, 27 vjeç e kishte lindur të birin në shtëpi, e kishte mbledhur me një qese dhe e kishte hedhur në parking. "Unë nuk e kam vrarë djalin tim, e kam braktisur, por nuk kam dashur që ai të vdesë", ka thënë 27-vjeçarja nga burgu Capanne i Perugias, e arrestuar me akuzën e vrasjes me paramendim të djalit të saj të cilin e kishte me partnerin shqiptar.

Gjatë marrjes në pyetje Giorgia është shprehur se jeton në kushte të vështira ekonomike dhe për këtë arsye nuk mund ta mbante fëmijën, por këto të dhëna janë hedhur poshtë pasi sipas autoriteteve, ajo mund të mbështetej tek familja e saj, partneri shqiptar me të cilin ka edhe një vajzë 2 vjeçe, nga prindërit dhe vjehrrit, të cilët ishin në gjendje që ta ndihmonin edhe ekonomikisht. 

Madje 27-vjeçarja ja kishte fshehur shtatzëninë prindërve dhe partnerit të saj, një shqiptar me profesion murator.

Burimi: Panorama