Reperi shqiptar Noizy është një ndër personazhet e njohur në Shqipëri që bën bamirësi dhe mundohet që gjithmonë të ndihmojë njerëzit në nevojë. Përpara disa ditësh ai ndërmori nismën që të mblidhte lekë për të kuruar një vajzë të vogël.

Siç kemi parë edhe këto kohë në profilin e tij në Instagram, ai ka shpërndarë vazhdimisht mesazhe të personave që kanë vendosur ta ndihmojnë në mbledhjen e të ardhurave. Ditën e djeshme reperi arriti që të grumbullonte edhe shumën e kërkuar, e cila shkoi për operacionin e vajzës së vogël.

Sot atij i ka mbërritur dhe një lajm shumë i gëzueshëm nga ana e prindërve të vogëlushes, të cilët e kanë lajmëruar se fal tij vajza e tyre tashmë është më mirë.

“Zemër ja doli vajza. Të falenderojmë me gjithë shpirt. Je hero ne familjen tonë”, i kanë shkruar atij. Noizy nuk ka ngurruar dhe e ka ndarë këtë mesazh me të gjithë ndjekësit e tij, duke falënderuar edhe personat që kontribuuan dhe bërën të mundur shërimin e saj.