Moderatorja e njohur e ekranit, Bora Zemani, ishte e ftuar së fundmi në emisionin 'Pushime on top', ku përveç planeve për të ardhmen në televizion, u pyet edhe për marrëdhënien e saj me ish-partnerin, Vin Velin, me të cilin ka edhe një djalë.

Moderatorja pranoi se kur bëhet fjalë për djalin e tyre, Arborin, ajo dhe Vini janë gjithmonë bashkë. 

"Ne jemi bashkë në momentin kur bëhet fjalë për Arborin. Unë dhe Vini nuk jemi armiq, gjithë jetën do të jemi të lidhur bashkë. Nuk e kam shijuar pjesën e të qënit single sepse po pushoj me familjen dhe djalin. Vetëm sot kam ardhur me një mikeshë."- është shprehur Bora.

Megjithatë, pasi në media u përmend shumë marrëdhënia e saj e tanishme me ish-partnerin, Bora ka reaguar e revoltuar me një deklaratë në Instastory.

"Çfarë titujsh më kanë parë sytë sot. Është për të ardhur keq si transformohet çdo fjalë e dikujt vetëm për klikime dhe kur hap lajmin asgjë nuk ka lidhje me titullin. Lëre pastaj nëse sheh edhe emisionin, zhgënjim total."- ka shkruar Bora.