Tronditi opinionin publik aksidenti i ndodhur pak ditë më parë në Kamëz ku Rezina Koleci përplasi me makinë një 29-vjeçar që po ecte me biçikletë dhe një nënë me dy vajzat e saj. 29-vjeçari Ramazan Isha dhe 7-vjeçarja Esmeralda Nreu humbën jetën. Pak ditë pas aksidentit ka folur babai i vajzës 7-vjeçare i cili i kontaktuar nga "Balkanweb" thotë se vajza tjetër nuk ngrihet dot në këmbë. 

“Vajza e plagosur nuk ngrihet dot në këmbë. Ka dëmtime të trurit dhe kockave. Gruaja dhe vajza janë akoma të traumatizuara nga ngjarja. Nuk na ka ardhur asnjë psikolog për ndihmë", ka thënë Ferid Ndreaj.