Javët e fundit në media ka qarkulluar lajmi se reperi i njohur shqiptar Mozzik dhe e dashura e tij Loredana janë në pritje të fëmijës së parë. Gjithë dyshimet nisën pasi këngëtarja në rrjetet sociale publikoi disa foto ku shfaqej me barkun e rrumbullakosur dhe më në peshë se zakonisht.

Dyshja  nuk kishte reaguar mbi këto lajme deri sa mbrëmë Mozzik dhe vetë Loredana nëpërmjet një postimi treguan se shumë shpejt do të bëhen prindër. Ka qenë i pari Mozzik dhe më pas Loredana ajo që ka publikuar një video ku shfaqeshin një palë këpucë bebash.

Nga modeli i këpucëve, Mozzik padashur zbuloi edhe gjininë e fëmijës që po presin. Për shkak se ai është duke mbajtur në duar një palë këpucë djemsh mendohet se Mozzik dhe Loredana do të bëhen prindër të një djali.