Çifti i njohur i Showbizit, Jason Momoa dhe Lisa Bonet i kanë dhënë fund martesës së tyre. Dyshja janë ndarë pas 16 vitesh së bashku.

Lajmin e kanë bërë të ditur vetë ata, me anë të një postimi të përbashkët në rrjete sociale.

“Ne po i japim fund martesës. Po e ndajmë këtë me ju jo sepse mendojmë se është njoftim i vlefshëm për t’u bërë lajm, por për të vazhduar përpara me jetën tonë me ndershmëri dhe sinqeritet. Dashuria mes nesh vazhdon, duke u zhvilluar në mënyra që duhet të njihen dhe të jetohen. Ne e çlirojmë njëri-tjetrin për të qenë personi që po mësojmë të jemi”, kanë shkruar dyshja mes të tjerash.