Brenda 10 viteve një vajzë nga Lushnja ka sjellë në jetë 8 fëmijë, një rast i rrallë ky në Shqipëri. 31-vjeçarja Lulije Abiu, nënë e pesë djemve dhe tre vajzave, tregon për "ABC News" se bashkëshorti i saj do 10 fëmijë prandaj ata nuk do të ndalen. Ajo ka qenë 21 vjeç kur ka lindur djalin e parë dhe nuk ka abortuar asnjëherë. 

"Mirë i kam pas, nuk kam vuajtur shumë nëpër spitale. Vetëm atë të voglin e kam pak alergjik. I kam ushqyer edhe me qumësht gjiri edhe kështu me qumësht lope. Janë punët e Zotit. Kjo lindja e fundit me thënë të drejtën ka qenë shumë e kollajtë. Kam lindur në shtëpi dhe kam ardhë e lindur këtu në maternitet", është shprehur Lulije.