Mbrëmjen e sotme një lajm i hidhur ka ardhur nga Teatri Kombëtar i Operas dhe Baletit të cilët përmes një njoftimi në rrjete sociale kanë njoftuar ndarjen nga jeta të mjeshtrit të madh, këngëtarit Gaqo Çako.

Këngëtari i mirënjohur u nda sot nga jeta në moshën 83-vjeçare teksa nuk bëhet e ditur nga se vuante. 

Çako ka dhënë një kontribut të jashtëzakonshëm në historinë e Teatrit Kombëtar të Operas, Baletit dhe Ansamblit Popullor. Mjeshtri i madh është vlerësuar edhe me titullin e lartë Nderi i Kombit.

Njoftimi i TKOB: 

Lamtumirë simboli historik i operas dhe muzikës shqiptare, “Nderi i Kombit” – Gaqo Cako. Me hidhërim të thellë bëjmë me dije se pak minuta më parë është ndarë nga jeta në moshen 83 vjeçare tenori virtuoz, simboli historik i muzikës operistike shqiptare, “Nderi i Kombit” – Gaqo Cako. Mjeshtri i madh u shua në shtepine e tij në Tiranë. Ngushellime familjes, miqve dhe kolegëve të Gaqo Çakos – “Nderit të Kombit”.