Jennifer Lopez dhe Ben Affleck po kalojnë muajin e dytë të mjaltit pas dasmës së dytë. Çifti po shijon Italinë teksa shëtisin dorë për dorë në rrugët e Milanos.

Ata u panë teksa bënin blerje në dyqanet italiane të enjten. 53-vjeçarja ishte veshur tërësisht me të bardha teksa ishte kujdesur në detaje për aksesorët, me një çantë të madhe, taka të larta dhe bizhuteri ngjyrë ari, ndërsa Affleck kishte veshur xhinse blu, bluzë të bardhë dhe këmishë.

Të dy u ndalën për të pozuar për fansat që prisnin t’i shihnin jashtë markës luksoze italiane të modës Brunello Cucinelli.