Teksa vajza me profesione të ndryshme, komediane, mësuese joge dhe modele, kanë nisur lëvizjen "Ekspozoni Adam Levine" duke publikuar në rrjete sociale mesazhe të papërshtatshme që pretendohen të jenë dërguar nga këngëtari(Lexo këtu), ky i fundit duket se nuk po e prish aspak terezinë!

Adam është fotografuar me të shoqen, supermodelen e Victoria's Secret, Behati Prinsloo në Montecito, Kaliforni. Dyshja shfaqen të buzëqeshur sikur të mos ketë ndodhur asgjë.

Fotot janë siguruar eksluzivisht nga "Daily Mail". Kujtojmë se mesazhet janë publikuar në një kohë kur Behati po pret fëmijën e tretë nga Adam, bashkëshorti i saj që nga viti 2014. Një ndër vajzat e lartpërmendura pretendon madje se ajo dhe Adam kishin një lidhje njëvjeçare që kishte përfunduar muaj më parë.