Mediat italiane janë pushtuar nga lajmet e një divorci të mundshëm mes sulmuesit të PSG-së, Mauro Icardi dhe Wanda Narës. Së fundmi janë publikuar disa fakte të reja të bujshme ku thuhet se modelja argjentinase e ka tradhtuar Icardin me një tjetër futbollist.

Gazetari Lucas Bertero, në emisionin “A la tarde” ka deklaruar se ka informacione që i kanë pohuar në mënyrë konfidenciale se Wanda ka nisur një tjetër lidhje jashtë martesore me një futbollist të martuar.

“Uanda duket se ka gjetur shpejt një krah ku të ngushëllohet, nëse mendojmë për udhëtimet e saj të shpeshta në Argjentinë për të hapur dyqane ose për të promovuar markat e saj kozmetike. Disa burime më kanë pohuar se ajo ka nisur një romancë me një tjetër futbollist të martuar”, u shpreh Bertero.