Andrea Ivanova është bërë e famshme për buzët e saj të mëdha. Ajo pretendon se fansat e saj shpesh i ofrojnë pushime dhe të paguajnë biletat e saj të avionit për t'i takuar.

Andrea Ivanova, e cila jeton në Sofje të Bullgarisë, quhet “gruaja me buzët më të mëdha në botë” dhe ka mbi 20 mijë ndjekës për shkak të pamjes së saj ekstreme.

Ajo ka vendosur një rekord për të patur 30 injeksione të acidit hialuronik në buzët e saj.

Duke folur për Daily Star, Andrea tha: “Çdo ditë shumë fansa të ndryshëm nga e gjithë bota më dërgojnë mijëra mesazhe në rrjetet e mia sociale dhe më ftojnë për pushime në vende të ndryshme dhe madje edhe kontinente, por unë ende nuk kam shkuar. Ndoshta një ditë do të shkoj.”

Andrea aktualisht udhëton shpesh për arsye të tjera, por duke përfshirë hobi të saj si të kënduarit dhe kirurgjia.

“Udhëtoj jashtë vendit pasi marr pjesë në konkurse dhe festivale kënge. Tani për tani destinacionet e mia të preferuara janë Turqia dhe Greqia, ku kam qenë shumë herë në qytete të ndryshme. Të gjitha ndërhyrjet dhe procedurat i kam bërë në qytetin ku jetoj, në Sofje, por kam në plan të bëj operacionin e radhës për gjoks edhe më të madh në Turqi apo në Gjermani, sepse edhe në këto vende ka specialistë mjaft të mirë", tha ajo.