Me siguri të gjithë i mbani mend kohët kur reperët e showbizit shqiptar nuk shkonin edhe aq mire me njëri-tjetrin. Konflikti Noizy-Dafina-Ledri u pa qartë edhe në tekstin e këngës "Na jena OTR" të Noizyt, ku ai shante Ledrin dhe Dafinën, megjithatë duket se këto probleme janë sheshuar.

Dy djemtë janë bërë shokë të mirë dhe mes Dafinës dhe Noizyt ka lindur një miqësi e re. Madje, këta të fundit do të sjellin shumë shpejt edhe një bashkëpunim. Këngëtarja publikoi në Instastory një foto ku shfaqej krah Noizyt, teksa i kishte hedhur krahët mbi shpatulla, në përshkrimin e të cilës shkruante "A mdon mu, A don Noizyn".

Disa javë më parë vetë reperi publikoi në profilin e tij në Instagram një listë të këngëve që do të nxirrte së shpejti dhe shkrimi i Dafinës përkon me titullin e njërës prej këngëve. 

"A don love, A don sex" do të quhet bashkëpunimi i parë mes Dafinës dhe Noizyt.