Ylli i "The real housewives of Miami", Joanna Krupa është martuar sot për herë të dytë, 7 muaj pas ndarjes nga Romain Zago. Ndarjen nga Romanin, modelja nga Polonia e përjetoi shumë keq. "Kam kaluar shumë netë duke qarë. Ishte Krishtlindja më e keqe e imagjinueshm qe mund te kaloje nje njeri. Ndjehesha sikur jeta ime ishte permbysur dhe unë nuk mund ta shihja dritën në fund të tunelit, bërtisja, nuk mund të haja, ndoshta atehere humba rreth 7 kilogramë", u shpreh ajo asokohe.

Ndërsa tani lidhja dhe martesa me biznesmenin Douglas Nunes, e ka bërë Jaonnën shumë të lumtur. Mediat e huaja shkruajnë se Douglas është biznesmen me emër në Poloni, aty ku edhe çifti zhvilluan dasmën.

Joanna këtë herë kishte bërë një zgjedhje më elegante me fustanin, ndryshe nga martesa e parë me Romain Zago ku u shfaq ekstravagante.

Joanna dhe Douglas vendosën të martohen vetëm 5 muaj pas fejesës ku tregonte edhe unazën me diamant.