Gjatë orëve të para të mëngjesit të ditës së djeshme, shtëpia e prindërve të gazetares Klodiana Lala u sulmua nga një breshëri plumbash kallashnikovi, duke mos lënë fatmirësisht viktima.

Në shtëpi ndodhej Klodiana së bashku me bashkëshortin, dy vajzat dhe prindërit e saj. Gazetarja deklaroi se gjithçka kishte të bënte me punën e saj si gazetare investigative, pasi nuk kishte pasur asnjë konflikt familjar.

Bashkëshorti i saj, Ylber Lleshi, ka folur për herë të parë pas sulmit me kallashnikov në shtëpi. I pyetur nga 'Report Tv' nëse pas kësaj ngjarjeje kishin ndërmend të largoheshin nga Shqipëria, Lleshi është shprehur se nuk ka ndërmend të largohet.