Këngëtarja e njohur Tuna Sejdi prej më shumë se një viti ishte tërhequr nga muzika për shkak të ardhjes në jetë të djalit të saj Tian. Ajo ju përkushtua tërësisht familjes dhe rritjes së djalit, i cili pak muaj më parë mbushi 1 vjeç.

Mirëpo prej disa javësh ajo kishte paralajmëruar fansat e saj se do të rikthehej fuqishëm me një këngë. Këngëtarja ka publikuar së fundmi një sërë fotosh që janë shkëputur na klipi i këngës, duke i treguar kështu ndjekësve edhe titullin e veçantë të këngës.

Mirëpo pritjes i erdhi fundi pasi pak minuta më parë Tuna ka publikuar këngën që titullohet ‘Chonga’. Në klipin e këngës ajo shfaqet më në formë se kurrë dhe mjaft seksi. Kënga ka ritme shumë verore dhe me siguri brenda pak ditësh do të kthehet në hit.