Një familje e re prej tre vetash është shuar në tragjedinë e Genovas, ditën e djeshme kur Ura "Morandi" u shemb duke lënë të vdekur dhjetëra persona. Roberto Robbiano, bashkëshortja e tij Ersilia Piccinino dhe djali i tyre shtatëvjeçar Samuel, humbën jetën në këtë tragjedi. 

Familja nga qyteti i Campomorone në veri të Gjenovës u gjendën në vendin e gabuar në kohën e gabuar. Të tre vdiqën pranë njëri-tjetrit në makinën e tyre kur po kalonin urën.

Mediat italiane shkruajnë se familja ishin nisur për drekë tek gjyshi në Voltri, kur ura Morandi që u shemb u përpiu makinën.