Një aksident fatal ka ndodhur mesditën e sotme në aksin Fier-Levan, ku dy makina janë përplasur me njëra-tjetrën. Përplasja ka ndodhur në qafën e Koshovicës dhe në aksidentin tragjik ka mbetur e vdekur një 27-vjeçare.

Mësohet se 27-vjeçarja Majlinda Troka ishte në muajin e 7 të shtatzënisë dhe ndodhej pasagjere në makinën Audi me targë AA 616 FN., e cila ka bërë një parakalim të gabuar duke shkaktuar aksidentin.

Në aksident kanë mbetur të plagosur edhe katër persona të tjerë, mes tyre një i mitur, i cili ishte gjithashtu pasagjer në makinën Audi.