Valbona Ndreu është gruaja që u përplas ditën e djeshme së bashku me dy vajzat e saj të mitura në Kodër Kamzë. Siç dihet vajza e saj 7-vjeçare për shkak të goditjes së rëndë ndërroi jetë menjëherë, ndërkohë që vajza tjetër 6-vjeç duhet të bëjë një ndërhyrje.

Siç raporton 'Newsbomb’ Valbona ka marrë lajmin e rëndë të vdekjes së vajzës së saj dhe ka kërkuar me insistim që të shkojë në ceremoninë e varrimit, por mjekët e kanë ndaluar atë pasi gjendja e saj ishte tepër shqetësuese.

Ndër të tjera është mësuar se 6-vjeçarja nuk ka hyrë akoma në operacion për shkak të goditjeve të forta që ka në kokë. Ndërkohë në dëshminë e saj shoferja 38-vjeçare rrëfeu se kishte ngatërruar frenat me gazin dhe për këtë arsye humbi kontrollin e mjetit dhe u bë shkaktare për dy vdekje.