Cara Delevingne është shfaqur për herë të parë pas fotove që tronditën rrjetin pak ditë më parë ku shfaqej në gjendje të rënduar dhe bënte veprime të pakontrolluara. Modelja 30-vjeçare duket se e ka marrë veten dhe i ka habitur të gjithë duke u shfaqur në Paris në super formë.

Cara mori pjesë në një event të Javës së Modës në Paris, duke debutuar dizajne nga Cara Loves Karl, bashkëpunimi i saj i ri me Karl Lagerfeld.

Modelja u pa e veshur me një fustan xhaketë sportive të zezë dhe me çizme të gjata.

Cara dukej se kishte bërë dhe një ndryshim në pamje duke lyer flokët, teksa kishte vendosur buzëkuq të kuq dhe thonjt gjithashtu në ngjyrë të kuqe. 

Modelja që dikur sfilonte për "Victoria's Secret" dukej se ishte në super formë dhe e buzëqeshur.