Ajo prej vitesh ka qenë e pranishme në ekranet shqiptare me emisionet e ndryshme që ka prezantuar dhe është kthyer  në një nga moderatoret më të dashura të ekranit shqiptar. Së fundmi Anjeza Maja së bashku me Florian Agalliun prezantojnë çdo ditë emisionin ‘Në shtëpinë tonë’ në Top Channel.

Por askush nuk e dinte që prezantuesja është e talentuar edhe në muzikë. Së fundmi Anjeza i ka surpizuar të gjithë teksa ka lajmëruar se shumë shpejt do ta shohim në një projekt të ri që ka të bëjë me këngën.

Në një foto të publikuar në Instagram ka treguar se është duke punuar për të sjell diçka të re, që ende nuk dihet nëse do jetë një këngë nga ajo, apo Anjeza do të jetë thjesht pjesë e ndonjë klipi.  

"Do shihemi shpejt, diku në këngë. Një projekt i bukur vere", ka shkruar Anjeza në përshkrim të fotos së saj, duke shkaktuar kureshtjen e miqve dhe ndjekësve të saj.