Këngëtari shumë i dashur për publikun, emrin e të cilit mbajnë disa nga hitet më të njohura si "Je e vogël rrumbullak", "Hej goce çafrë po ban", "Rrak tak", Bujar Qamili ishte i ftuar dje në "Thumb".

Gjatë intervistës këngëtari tregoi një moment të sikletshëm me nusen e djalit, moment nga i cili ai ka vendosur që djali dhe nusja të jetojnë në shtëpi më vete.

"Javën e parë nusja dhe djali na qëndruan në shtëpi. U çova natën të shkoja në tualet po tani përtova t’i vishja pantallonat, 2 minuta ja ku e kisha tualetin. Sa do shkoja për në tualet u hap dera dhe doli nusja. U rrëzova dhe desh theva qafën.

Që atë ditë u them shkoni shikoni punën tuaj se është më mirë. Nusen e dua fort, asaj i ka rënë sëpata në mjaltë. Shih çfarë vjehrri ka", është shprehur Bujari.