Dy fëmijë të mitur, motër e vëlla humbën jetën pak ditë më parë pasi u shtypën nga një tren teksa po kalonin binarët. Djali Lorenzo, 12 vjeç dhe vajza Gilla, 6 vjeç shoqëroheshin nga nëna e tyre, 49 vjeç e cila u shtyp nga një vagon  dhe u plagos rëndë ndërkohë që dy fëmijët e saj fatkeqësisht humbën jetën. Nëna dhe dy të miturit po shkonin për në plazh në Brancaleone. 49-vjeçarja ishte ndarë nga bashkëshorti dhe bashkëjetonte me një vendas mësues.

Pak ditë pas ngjarjes babai i fëmijëve ka thyer heshtjen duke bërë një deklaratë prekëse mes lotësh për Lorenzon dhe Gillan.

“Një gjë e tillë është e paimagjinueshme, e tmerrshme dhe e padrejtë. Në 2018 nuk është e mundur të vdesësh në këtë mënyrë të tmerrshme. Do te mjaftonte një pengesë dhe kjo nuk do të kishte ndodhur. I kerkoj çdo ditë Lorenzon dhe Gillan, por ata nuk janë aty. Me djalin e shihnim Juventusin në stadiumin Allianz që në vitin 2011. Ai ishte një fëmijë i shkathet, i mirë, i përgjegjshëm dhe i pjekur. E vogla, pavarësisht se ishte autike, kishte një dëshirë të madhe për të jetuar, per te falur dashuri, shumë e socializuar. Ajo po bënte shumë përparim dhe po fillonte të fliste. Vajza kishte një pasion të madh për muzikën, ajo pëlqente te mbante gjithmone një çantë”, është shprehur mes lotësh babai.