Një burrë dhe një grua janë arrestuar pasi katër fëmijët që kishin adoptuar u gjetën të mbyllur në kuti me kompensatë dhe vida. Laura Cheatham dhe Daryl Head, të dy 38, u arrestuan të martën pasi një telefonues anonim thirri autoritetet për të raportuar abuzimin. Policia shkoi në shtëpinë e Cheatham në Farmington, Misuri, dhe fillimisht u refuzuan të hynin nga Daryl Head. Kur u futën me forcë brenda në shtëpi, Laura Cheatham po përpiqej të hiqte vidat nga kutia që të lironte fëmijët. 

Kutitë ishin 'ndërtuar posaçërisht' dhe nuk kishin dritare, dritë ose pajisje. Fqinjët i thanë policisë se rregullisht i panë fëmijët duke bërë punë me dorë, duke përfshirë edhe sharrimin e dërrasave që besohet se më vonë u përdorën që t'i mbanin ata robër në kuti. Policia u tmerrua nga kushtet që i nënshtroheshin fëmijëve. Mendohet se kanë jetuar aty për disa javë.

"Kam parë shumë gjëra të këqija, por kjo është e mjerueshme", tha Sheriffi i Shën Françeskut, Daniel Bullock për KMOV. Cheatham dhe Head u akuzuan për rrëmbim të shkallës së dytë dhe rrezikimin e një fëmije.