Një ngjarje e rëndë ka ndodhur mbrëmjen e djeshme në Kosovë,  ku një burrë ka qëlluar për vdekje vajzën e tij 9-vjeç dhe ish-bashkëshorten. Ngjarja tragjike ka ndodhur në Brekoc të Gjakovës, ku Pjetër Ndrecaj ka qëlluar me kallashnikov në drejtim të vajzës dhe gruas.

Siç kanë raportuar mediat Ndrecaj ka shkuar në shtëpinë e ish-gruas së tij në lagjen Brekoc dhe në korridorin e shtëpisë ka shtënë me armë në drejtim të saj dhe të 9 vjeçares.

Ai është arrestuar menjëherë  dhe po punohet për zbardhjen e  shkaqeve që e çuan Ndrecaj të kryente këtë akt makabër. Sipas ‘Gazeta Shqiptare’ ish-bashkëshortja e tij pasi ishte kthyer nga Shqipëria jetonte me fëmijët në Kosovë.