Moderatorja e emisionit "Boom" Fiori Dardha është një ndër personazhet më të dashur për publikun shqiptar. Ajo është mjaft aktive në rrjetet sociale dhe ka një bashkëbisedim të hapur me ndjekësit e saj. Së fundmi Fiori u bë pjesë e opsionit të famshëm ku i përgjigjet pyetjeve të fansave të saj.

Njëri prej tyre e ka pyetur Fiorin se ç’mendim ka për  Luana dhe Marina Vjollcën. Ajo nuk ka ngurruar të përgjigjet dhe i ka cilësuar dy moderatoret e famshme si dy vajzat shumë të sjellshme.

"Gjatë gjithë viteve të mia në televizion (edhe në Top Channel) kam njohur e kam parë se si janë në marrëdhënie pune plot personazhe publikë që gëzojnë simpatinë e publikut, por dhe që në marrëdhënie njerëzore lenë për të dëshiruar. Shpesh ata që paragjykohen më shumë janë më korrektë e më me këmbë në tokë. Ndaj them me bindje se Luana Vjollca dhe Marina Vjollca janë ndër vajzat më të sjellshme të ekranit! Vajza për së mbari!”, është shprehur gazetarja.