Të gjithë kanë zënë të paktën një herë morra në jetën e tyre, por jo të gjithë kanë guximin ta pranojnë, edhe pse nëse ndodh në vegjëli është një gjë shumë e zakonshme. Megjithatë 6 VIP-a shqiptarë e kanë pranuar, madje publikisht. Gjatë një loje në "Xing me Ermalin" sezonin e kaluar, Ermal Mamaqi pyeti të ftuarit, Oriola Marashin, Blerim Destanin, Noizyn, Varrosin dhe Xhevdet Jasharin nëse kishin zënë ndonjëherë morra dhe të gjithë e pranuan, përfshirë edhe Ermali. "Shumë", u përgjigj Xhevdet Jashari. "Pafund, morra, thërriza, çdo lloj", tha Oriola ndërsa së bashku me Ermalin ajo filloi të kujtonte si i hiqnin morrat asokohe me krëhër të hollë ose me benzinë.

"Ta bënte gropë", tha Noizy ndërsa në studio plasën të qeshurat duke kujtuar kohët kur zinin morra.