Adelina Tahiri prej muajsh e ka bërë publik lajmin që është në pritje të një djali. Ajo është shumë aktive në rrjetet sociale dhe shumë herë ka publikuar foto nga periudha e shtatzënisë, ku shihet qartë ndryshimi që ka pësuar në trup.

Përveç të tjerash gjatë këtyre muajve këngëtarja është llastuar shumë edhe nga bashkëshorti i saj, i cili e ka mbuluar atë më dhurata nga më të ndryshmet, të cilat Adelina i ka ndarë të gjitha më ndjekësit e saj.

Por këtë herë vetë këngëtarja është duke përgatitur një dhuratë shumë të çmuar për të birin, që pritet të vijë në jetë shumë shpejt.

Sipas ‘Prive’, Adelina është duke punuar për një këngë që do jetë një dedikim për të birin. Mësohet se në këtë këngë ajo do tregojë gjithë ndjesitë që ka përjetuar gjatë këtyre muajve.