Spektakli shumë i ndjekur nga publiku "Dance with me" po afron e dita ditës po zbulohen VIP-at që do t'i shohim të konkurrojnë në kërcim. Ndër të ftuarit për të qenë pjesë e spektaklit ka qenë edhe Devis Xherahu, por ai ka refuzuar. Këngëtari e ka bërë të ditur vendimin me një video të postuar në Instagram ku shprehet se ka shumë respekt për Vera Grabockën, por nuk mund të marrë pjesë në spektakël.

"Do doja të bëja nje falenderim të madh regjisores më të madhe që kemi në Shqipeëri Vera Grabocka, për ftesën që sapo më bëri në një nga spektaklet më të mëdhenj, Dance with me që organizon Tv klan. Por në  të njëjtën kohë dua të kërkoj shumë, shumë ndjesë që nuk mund të jem pjesë e këtij spektakli. Edhe një herë faleminderit Vera, të vlerësoj ashtu siç të vlerëson e gjithë Shqipëria", shprehet Devisi në video.