Mbrëmjen e djeshme Dagz u eliminua nga Big Brother VIP, pas një zinxhiri shpëtimesh që e la në fund atë dhe Einxhelin, gjë që nuk u prit aspak mirë nga çifti. 

Arbri doli jashtë shtëpisë mes lotësh, ndërsa Einxhel në momentet e fundit i deklaroi ndjenjat. “Të dua”, i tha ajo dhe e puthi.

Në një postim në Instagram, Dagz është shfaqur i veshur me bluzën e partneres dhe shkruan për marrëdhënien romantike që nisi me moderatoren se ishte prova e diçkaje të veçantë, që me siguri do të vazhdojë jashtë shtëpisë.

"Kam bluzën e zemrës sime me mua. Ne e vërtetuam që kemi diçka speciale", shkruan Dagz.

Në një postim tjetër ai ka falenderuar ndjekësit që e përkrahën në këtë rrugëtim. “Faleminderit të gjithëve për përkrahjen dhe dashninë! Kjo eksperiencë nuk përshkruhet me fjalë. Fitova shumë më shumë se sa e paramendoja”, shkroi Dagz.