Meghan Markle ishte në qendër të vëmendjes ditën e djeshme në ceremoninë e martesës me Princin Harry. Aktorja kishte zgjedhur një fustan nusërie të thjeshtë dhe gjithashtu një pamje të thjeshtë pa makeup të rënduar.

Një fakt për të cilin Dukesha e Sussex u kritikua ishte modeli i flokëve të cilat nuk i qëndruan në formën e tyre më të mirë.

Mirëpo parukieri i Meghan Serge Normant tregon se iu deshën 45 minuta deri në 1 orë për t'ia rregulluar flokët.

"Nuk mori shumë kohë. Mundohem të punoj sa më shpejt kur bëhet fjalë për evente të tilla", u shpreh parukieri.

Shumë përdorues në internet shkruajtën se flokët e Meghan ngjajnë si të pakrehura, Normant u përgjigj: "Ne e quajmë topuz të çrregullt. Unë nuk e mbys flokun me produkte dhe sidomos në këtë ditë".

"U inspirova nga vitet '60, por nuk doja t'i jepja shumë volum prandaj zgjodha një topuz paksa të lëshuar", tregoi parukieri./Xing.al